1. Sovrinlarni to‘lab berish tegishli hujjatlar rasmiylashtirilgandan keyin amalga oshiriladi.
2. Kompaniya yutuq hujjatlar bilan rasmiylashtirilgan kundan boshlab, 30 (o‘ttiz) ish kuni ichida Aksiya G‘oliblariga yutuq miqdoridagi pul sovrinlarini to‘lab berish majburiyatini oladi.
3. Aksiya G‘oliblari, g‘oliblar aniqlangan kundan boshlab 15 (o‘n besh) ish kuni ichida, yutuqni rasmiylashtirish uchun kerak bo‘lgan barcha hujjatlarni (8-bandni qarang) taqdim qilishlari shart.
4. Yutuqni olish uchun faqat Aksiya g‘olibi– yutuqli ID-kod biriktirilgan Mobiuz abonent raqami nomida bo‘lgan, jismoniy shaxs da’vogarlik qilishi mumkin.
5. “UMS” MChJ soliq va yig‘imlarni, Aksiya sovrin jamarg‘armasida nazarda tutilmagan, o‘z mablag‘laridan to‘lash bo‘yicha majburiyatlarni zimmasiga olmaydi. Jismoniy shaxslarning daromad solig‘i, to‘lov amalga oshirilgan paytdagi O‘zR amaldagi qonunchiligiga muvofiq, yutuqdan ushlab qolinadi.
6. Aksiya g‘olibi pul sovrinini olish haqidagi xohishini, o‘zi bilan barcha kerakli hujjatlari bo‘lgan holda (8-bandni qarang),“UMS” MChJ shaxsiy ofisiga bildirishi mumkin.
7. Agar G‘olib belgilangan muddatlarda “UMS” MChJ shaxsiy ofisiga yutuqni olish xohishi bilan murojaat qilmasa, “UMS” MChJ sovrinni taqdim etishdan bosh tortish huquqiga ega. Pul mablag‘lari “UMS” MChJ mulki bo‘lib qoladi va takroran o‘ynalmaydi. Yutuq pul mablag‘idan to‘lov amalga oshirilgan paytdagi O‘zR amaldagi qonunchiligiga muvofiq, jismoniy shaxslarning daromadidan ushlab qolinadigan soliqni olib qolgan holda, Aksiya G‘olibi tomonidan O‘zbekiston Respublikasining har qanday bankida ochilgan bank hisob raqamiga o‘tkazib beriladi.
8. Sovrinni olishdan oldin Aksiya g‘olibi “UMS” MChJ shaxsiy ofisiga shaxsan murojaat qilishi va quyidagi hujjatlarni taqdim qilishi kerak:
-
O‘zR fuqarosi pasportining asl nusxasi (O‘zR fuqarolari uchun) yoki ID-karta.
-
milliy pasport va yashash uchun guvohnoma (xorijiy fuqarolar uchun) yoki ID-karta.
-
fuqaroligi bo‘lmagan shaxs guvohnomasi va yashash uchun guvohnoma (fuqaroligi bo‘lmagan shaxslar uchun)
-
Abonent (Aksiya G‘olibi) va “UMS” MChJ o‘rtasidagi abonentlik shartnomasi
-
bank hisob raqamining rekvizitlari
-
G‘olibning bank hisob raqamiga pul mablag‘larini o‘tkazishga rozilik haqidagi tilxatni jismoniy shaxslarning daromad soliqlarini ushlab qolishga ariza bilan birga, kompaniya xodimlari bilan qarindoshlik aloqalari mavjud emasligi haqida tilxat va foto hamda videotasvirga rozilik.
Da’vogarning (pul mablag‘lari o‘ynalishining g‘olibi) "UMS" MChJ bilan mehnat munosabatlarida bo‘lgan shaxslar bilan qarindoshligi, hamda ishonchsiz ma’lumotlar taqdim qilingani aniqlangan vaziyatda Sovrin berilmaydi.
Da’vogar tomonidan ishonchsiz ma’lumot taqdim qilingani Aksiya doirasida yutuq topshirilgandan keyin aniqlansa, Kompaniya sovrinning qiymatini sud tartibida undirib olish huquqini o‘zida qoldiradi.
9. Kompaniya quyidagi holatlarda G‘olibning yutuq natijalarini bekor qilish huquqini o‘zida qoldiradi:
-
G‘olibning Aksiyada ishtirok etish shartlariga to‘g‘ri kelmasligi aniqlanganda;
-
Mazkur Qoidalarning 8-bandida sanab o‘tilgan, kerakli hujjatlarni topshirishdan bosh tortish/taqdim qilmaslik;
-
G‘olib tomonidan mazkur Qoidalarning 8-bandida sanab o‘tilgan hujjatlarda, yolg‘on ma’lumot berilganligi aniqlansa.
Yutuq natijalari bekor qilingan holatda, pul mablag‘lari “UMS” MChJ mulki bo‘lib qoladi va takroran o‘ynalmaydi.
10. G‘olib pul sovrinini rasmiylashtirish/qabul qilish vaqtida Abonent to‘g‘risidagi shaxsiy ma’lumotlar va Sovrin haqidagi batafsil axborot ko‘rsatilgan barcha zarur hujjatlarni (Pul sovrini rasmiylashtirish/qabul qilish jarayoni bilan bog‘liq) imzolashi shart. Aksiya G‘olibining zarur hujjatlarni imzolashdan va/yoki boshqa yuridik jihatdan ahamiyatli hatti-harakatlarni amalga oshirishdan, jumladan yutuqlarni qabul qilish uchun talab etilgan hujjatlarni taqdim etishdan bosh tortishi, G‘olibning yutuqni olishdan bosh tortishi sifatida baholanadi.
11. Pul sovrinini rasmiylashtirish/olish paytida G‘olib sovrinni olish jarayonini ishlatish va kompaniya rasmiy sahifalarida joylashtirish uchun foto va videotasvirga olinishiga o‘z roziligini beradi.
12. “UMS” MChJ pul mablag‘i va sovrinlarni naqd pul ko‘rinishda to‘lash majburiyatini o‘z zimmasiga olmaydi.
13. Aksiya g‘oliblari har qanday sabablarga ko‘ra yutuqni berishni talab qilmaganda yoki undan voz kechganda, yutuq natijalari bekor qilinganda pul mablag‘lari “UMS” MChJ mulki bo‘lib qoladi. Bu holatda talab qilinmagan sovrinlar takroran o‘ynalmaydi.
14. “UMS” MChJ G‘olib tomonidan Sovrinlarni olish tartibida nazarda tutilgan barcha talablar va shartlar bajarilmagan taqdirda, G‘olibga sovrinni taqdim qilishdan bosh tortish huquqini o‘zida qoldiradi.
15. “UMS” MChJ quyidagi holatlar uchun javobgar emas:
-
abonent raqamining, g‘oliblarga qo‘ng‘iroq qilish paytida bandlangan holatda bo‘lishi
-
sovrinlarni olish uchun zarur bo‘lgan ma’lumotlar/hujjatlar ishtirokchilarning aybi bilan yoki boshqa sabablarga ko‘ra topshirilmagani/o‘z vaqtida topshirilmagani;
-
aksiya ishtirokchilari tomonidan Sovrinlarni olish tartibida nazarda tutilgan majburiyatlar bajarilmagani (o‘z vaqtida bajarilmagani);
-
sovrinlar talab etilmagani yoki ularni olishdan bosh tortilgani sababli, Aksiya G‘oliblari tomonidan olinmagani;
-
uchinchi shaxslarning aybi va/yoki fors-major holatlari tufayli G‘oliblarga sovrinlarni topshirish bo‘yicha majburiyatlarni bajarishning imkoni bo‘lmaganligi.
